29 April 2022

< 1 min read

【Zenyum 感謝週】真實用家,客服專員箍牙過程獨家專訪 | Zenyum HK

不經不覺Zenyum 已經在香港成立了三年,為了答謝大家一直以來對我們的支持,我們特別邀請了幾位來自不同界別的朋友與我們做了專訪,去分享一下這幾年來與Zenyum一起的成長的點滴和箍牙經歷。包括我們Zenyum隱形牙套療程的兩位真實用家,和我們的客服微笑專員,一起來看看他們的分享。

ZenyumClear™ 真實用家:Briana ([email protected])

問題1. 點解當初會決定箍牙?

「大概一年前左右開始用Zenyum 隱形牙套,其實自己本身有箍過牙,係用傳統鋼線個隻,因為有段時間無帶固定器,所以之後牙齒有啲移位,咁啱有幾次喺街度見到Zenyum嘅Poster ad,我覺得我嘅問題係比較細微嘅調整,應該隱形牙套可以幫到我,所以就揀咗Zenyum。 」 — Briana

問題2. 你覺得箍牙效果滿意嗎?

「其實成個箍牙過程我分開兩部份,最初嘅Treatment 我係有9 副牙套,其實個效果都 Ok ,係差犬齒隔離有個牙縫位,我當時同咗你哋Customer Service 同事講,而佢地就安排咗我做Refinement,即係診所度再做一次掃瞄,再針對個問題再做多次個Plan,之後第二個Plan 箍完,而家改善咗好多啦。」 — Briana

問題3. Zenyum 的微笑旅程當中最深刻的經歷?

「最深刻係成個佩帶過程,因為之前都係用傳統箍牙,所以一開始帶隱形牙套就覺得舒服好多好多,同埋帶嘅時間彈性咗好多,有時候想食嘢都可以除低佢,食完再帶番,有比較之下就覺得印象好深刻啦。

同埋就係你地嘅Customer Service 同事好好,佢哋一直都跟進住我嘅Treatment 進度,同埋幫我約時間,有一次你哋同事同我一齊去診所做Scanning,我入去醫生房之前同佢講話想要多一個紙袋,點知佢一直都係外面等我,仲等咗好耐,因為佢想等我出嚟同我講解下一步係點, 同埋想親手交個紙袋俾我,嗰一刻我覺得你哋好細心。」 — Briana

ZenyumClear™ 真實用家 IG @bribriiana

ZenyumClear™ 真實用家:Tiffany

問題1.當初決定箍牙的原因?

「大概喺大半年前左右Join 咗Zenyum 嘅隱形牙套療程,其實一直以來都有諗過箍牙,但係因為外觀問題唔想箍傳統牙套,同埋另外一間隱形牙套價錢好貴,所以最後就不了了之。咁嗰排我朋友原來箍咗Zenyum,佢話幾好,同埋我都成日見到Zenyum 嘅廣告,見個價錢OK,就萌生左箍牙呢個念頭啦。」 —  Tiffany

問題2.為什麼最後選擇了Zenyum?

「自己都有上網做吓Research,但發覺好似間間都差唔多,不過見到你哋好似個療程時間快啲,同埋你地有牙醫跟進,所以最後就揀咗你哋,依家諗返轉頭都覺得好好彩,因為近日有睇到一啲媒體報道,見到有同類型嘅牌子嘅服務手法都幾唔啱,俾咗錢仲要受氣,但我喺Zenyum成個箍牙嘅體驗都唔錯,尤其是個效果,可以解決咗我嘅牙齒問題。」—  Tiffany

問題3.Zenyum 的微笑旅程當中最 Surprise 的經歷?

「之前有一日你哋無啦啦打電話俾我,話有$500俾返我,我個刻都呆咗,後尾發現原來係我另外一個朋友都 Join左你地,佢話係我介紹嘅,我先知道原來Zenyum 係有呢啲Referral program,哈哈,都幾開心㗎,如果之後有朋友想箍牙我都會介紹佢哋。」—  Tiffany

我們Zenyum 推出了全新的朋友推薦計劃,獎賞金額將由以往$500 加碼升級至$1,000!按此了解更多詳情

Zenyum 客服微笑專員:Dick

問題1.由你初初加入至現在,你覺得Zenyum 有為你帶來改變嗎 ?

「我加入咗Zenyum 差不多三年,仲記得自己以前其實好驚睇牙,牙科保健已經係我最後一次,因為自己好怕痛,同埋好驚聽到啲工具發出嘅聲音,但經過咗呢兩年時間,接觸咗好多唔同嘅個案,同埋了解咗好多牙科嘅知識同理論,先發現原來自己一直以來咁驚睇牙醫只係因為自己一知半解。雖然而家坐喺醫生房入面都會有少少緊張,但係相比起以前已經叻咗好多,上個月先去完診所洗牙,所以我同Zenyum 可以話係一齊成長。」 — Dick

問題2.你覺得Zenyum 在這幾年之間有什麼不同的地方 ?

「Zenyum 喺呢兩年間同我一樣技術不斷提升緊,哈哈,因為我啱啱加入Zenyum 嘅時候,嗰陣我地嘅療程只能夠解決中至輕度嘅牙齒問題, 到後來我哋推出ZenyumClear Plus,而家可以做到全口腔同埋解決更複雜嘅問題。

另外我哋嘅Zenyum App 都不斷進步緊,因為最初嘅時候真係有啲Bug,當時都有好多客人嘅Feedback 好差,但經過不斷更新改進,而家除咗方便客人之餘,亦都方便咗我哋自己,因為以前我哋同客人聯絡主要都係用Whatsapp,到後來客人可以直接用Zenyum App 搵我哋,變相唔需要將啲資料轉來轉去。

同埋啱啱更新咗嘅Zenyum 手機應用程式 IOS版Android版) 多咗個新功能,就係客人可以透過Zenyum App book appointment,特別係ZenyumClear Plus 嘅客人,因為佢地要去診所覆診嘅時間會比較多,例如會有2-4 次磨牙,而個App 係會紀錄低成個Status,假如客人無出席到的話,Zenyum App 係會顯示唔可以轉下一副,變相客人唔會出現帶錯牙套嘅情況。」— Dick

問題3.在你接觸的客人當中,你最印象深刻的Case ?

「最深刻嘅Case 係有一次有位客人佢係療程期間要移民,佢態度好差咁質問我哋應該點做好,係咪俾咗錢就唔會幫佢跟進?因為我哋都明白有時候客人會覺得好焦慮,所以我當時首先安撫佢嘅情緒,再同醫生商量一個最好嘅解決方案,最後從交談之間得知客人會每隔一段時間回港,所以我哋都俾咗個解決辦法佢,就係幫客人去先製作固定器,因為好多時候Treatment 過程中需要進行第二次磨牙先可以換下一副牙套,假如移民的話我哋就將佢嘅牙齒固定喺磨牙前嗰副牙套,當她回港時就可以去診所俾醫生檢查進度同時進行第二次磨牙,但療程時間會延長。

最後客人都接受呢個方案,佢後來同我哋講話其實佢當時好徬徨,唔知應該點做好,所以佢決定扮"西客",希望可以逼我地俾到個solution 佢,佢仲讚我地服務好細心,因為我地會企喺客人嘅角度諗,而唔係只係送嘢去解決問題,我覺得呢個Case 好深刻,因為我哋好成功咁將一個對我哋印象負面嘅客人成功建立一個良好關係,同埋最重要係可以令客人滿意我哋嘅服務!」 — Dick

我們非常感謝真實用家Briana 和 Tiffany 為我們做了這次的專訪,能夠讓讀者對Zenyum 隱牙牙套療程有更深入的了解。另外我們的微笑客服專員Dick  的分享亦讓大家知道Zenyum 的技術與服務在這幾年間不斷進步,我們非常感激大家的支持,並承諾會繼續改進我們的服務,幫助大家可以綻放自信笑容!

你可能仍在為自己的牙逢問題而煩惱,但請放心,Zenyum會在治療的旅程上,貼心照顧你的各種需要,讓你重拾自信笑容。立即進行免費網上評估,只需提交簡單資料,讓我們的專業牙醫團隊為你評估Zenyum哪一款隱形牙套最適合你,從此告別牙縫問題!

不知道自己適合哪一個療程?

牙醫會因應你的需要,向你推薦合適的療程計劃。

距離你的燦爛笑容只差一步,立即完成評估吧!

你可能還喜歡...

【Zenyum 感謝週】真實用家,客服專員箍牙過程獨家專訪 | Zenyum HK